暴力冲击吓亲的哥 「加多一千蚊都唔入元朗」

Mary

　　

　　图：有的哥指最近班暴徒日日咁玩，夜晚都无人敢出街，生意差咗好多

　　近期出门着咩颜色衫，原来人人都要谂一谂。郑晴日前OT完搭的士，一上车的士哥哥即好奇问：「咁夜仲上街，依家香港好危险喎！」郑晴无奈表示工作需要。的士哥哥继续吐苦水：「最近班人日日咁玩，夜晚都冇人敢出街，生意差咗好多！」又话出门返工好惊，要谂着黑衫还是白衫，两边都唔敢得罪，惊被人打。

　　惊到咩程度？的士哥哥自爆，元朗冲击当日，在旺角接到一个客想入元朗，即时反应是「元朗！不了！」客人「自动波」加价，「加多二百蚊畀你喇！」「加多一千蚊都唔入！」郑晴问：唔惊被投诉咩？的士哥哥无奈：冇办法啦，屋企有小朋友，要顾下个人安危，唔敢博。边区有游行示威都尽量不去。有钱都唔敢赚！

　　郑晴不禁感慨：香港一向以「安全城市」闻名於世，但连月来的冲击却搞得人心惶惶，夜街唔敢出，有钱唔敢赚，连着咩颜色衫，发表个人言论都要担心随时被攻击……不知道那些天天喊着为香港而冲、为港人争「自由」的人，可有感受到普通小市民的恐惧、担忧和厌恶？

　　【来源：大公报】