【网议政事】「中箭」卖1盒罩竟扣10次钱

Mary

　　

　　「中箭（香港众志）」日前高调卖口罩，结果就连环出事。继声称自行负担运费但转头筹钱後，竟然又出现疯狂扣数、甚至买唔到口罩都扣人数嘅离谱情况。噚日大批苦主就喺「中箭」facebook留言话明明只系买一盒口罩，最终俾人扣咗成10次钱，又因为「中箭」早前讲明「重覆（复）购买者，『众志』有权不作退款」 ，好多人质疑自己系咪「被捐款」。喺一片声讨中，「中箭」发帖补镬，将责任推晒畀第三方支付系统，又话可能有人对佢哋网站有「恶意或攻击行为」喎。「中箭」声称预计一星期後会向苦主退款，大家记住睇实笔数啊。

　　一罩三种价 其实系筹旗

　　「中箭」卖一次口罩，就整出N个是非。初初声称「自行负担巨额运费，不公开募资」，转头就设3种价格「筹钱」，俾人闹完一大轮，先发现自己网页负荷唔到花式卖口罩，所以最终先用返最平98蚊一盒出售。不过，好多人就发现根本唔系98蚊一盒，因为佢哋少则俾人扣咗两次钱，最多就俾人扣咗10次，变咗天价买口罩。