港东港西\击退曱甴 唔使用弹，用胶就得！

Mary

　　

　　暴徒真「勇武」？信一成都双目失明！网上流传一段新视频，郑晴见到大批号称「勇武」的暴徒鸡咁脚，唔系，系曱甴咁脚走，到底畀咩吓亲？

　　故事从头讲起，「乱港四人帮」头目黎智英上周被捕，乱港分子即大报复，再发动暴乱，上周六晚超过200名暴徒在旺角多处堵路、纵火同埋掟汽油弹。

　　市民嘲讽：仲话学人挡子弹

　　呢条网片就系当晚拍摄，片中显示已上齐全副装备的黑衣暴徒，一如往昔一字排开，举起雨伞，大叫「一二一二」向前推进。起初的确系威系势，不过推进时有一个暴徒喺人群中走出来，将一个「胶马」放置在路中央，但个「胶马」摆唔稳倒地，「啪」咗一声。班暴徒误当枪声，吓到面都青，即时拔足向後逃跑。画面镜头一转，睇真，暴徒前方根本无警察喺度。

　　呢段「笑片」在网上热传，有网民称呼胶马做「胶兄」，大赞系「反暴英雄」：「班暴徒仲话学人挡子弹，真系令人贻笑大方。」亦有网民风趣留言：「估唔到胶马威力咁大，防暴警察以後唔使射催泪弹！」专栏作家屈颖妍就有一条妙计：「建议警方录低跌栏声、炮仗声，得闲播下，相信可以悭返唔少催泪弹。」郑晴百分百同意：杀曱甴唔使用枪弹，用胶马啦！

　　【华发网根据大公报采编】