政Whats噏：翁达扬教避刑责 葛佩帆促律政司交代

Mary

　　

　　负责为刑事案件提供法律意见嘅律政司检控官翁达扬，半年前出版一本法律常识书籍，被指教导疑犯「避开法律陷阱」，犹如「黑暴秘笈」。议员葛佩帆(EQ)就话，翁嗰头畀法律意见警方睇吓系咪要检控疑犯，转头又出书教人避法律陷阱，涉嫌利益冲突同公职人员行为失当罪，所以EQ日前就写信畀立法会司法及法律委员会，要求开会讨论事件，叫律政司快啲交代。政Whats噏：翁达扬教避刑责　葛佩帆促律政司交代政Whats噏：翁达扬教避刑责　葛佩帆促律政司交代政Whats噏：翁达扬教避刑责　葛佩帆促律政司交代

　　依本备受争议嘅书籍名为《一读就懂！孩子必须知的法律常识》，当中提醒青少年畀警察发现背囊藏有生果刀嗰阵，有权喺律师抵达前唔回答任何问题，好似鼓吹紧青少年带武器出街咁。EQ喺信入面问律政司，最近有多几多宗藏有攻击性武器嘅案件被撤控，当中又有几多系由翁提出法律意见。

　　EQ又话，唔明点解翁出书前会得到刑事检控专员梁卓然嘅批准，质疑梁根本冇睇过本书，加上翁喺出书後，竟然仲被调去因反修例风波而成立嘅「公众秩序活动及电脑网络罪行」特别小组，质疑律政司咁样调职系咪蓄意构成公职人员行为失当同制造利益冲突。

　　其实法院近日积压咗大量涉反修例嘅案件仲未处理，今次翁嘅事件令公众进一步质疑律政司嘅专业性，如果政府再唔快啲交代，睇怕市民对律政司嘅信心会再创新低。

　　【华发网根据东方日报采编】