【特写】喜遇同名小妹妹 晨运捕获「陈凯欣」

Mary

　　

　　到底要几有缘先可以撞到同自己同名同姓嘅人？话说立法会九龙西补选候选人、食物及卫生局前政治助理陈凯欣噚日去公园散步时，见到有个小妹妹低头专心写字，写住「陈凯欣」，发觉呢位小妹妹同佢同名，仲话同名同姓其实都系一种缘分，都咪话唔世界真细小呀。

　　陈凯欣噚日喺facebook发帖，分享自己朝早去公园晨运时，见到一位小妹妹低头专心写字，谂住八卦心态去睇一睇，先发觉原来佢正写紧「陈凯欣」，而小妹妹仲怕丑咁话佢都叫做陈凯欣。

　　陈凯欣就话「同姓三分亲，同名同姓感觉更特别」，笑言街站日日都有奇遇，期待未来会遇到更多有缘人，又祝福小凯欣努力，长大後成为一个有承担、有理想嘅社会栋梁。两个人咁有缘，唔知未来「大小凯欣」又有无机会一齐合作呢？

　　【华发网根据文汇报采编】