「独人」拗烂账 起底恐吓样样齐

Mary

　　

　　潘书韵称捐赠物资被兜售 爆完对家私隐即被凶

　　唔少煽暴派喺黑暴期间不断为黑衣魔提供暴冲物资，有人就乘机「发大财」，经常因财失义。南昌北候任区议员刘家衡的「港独女友」潘书韵，近日就声称另一「港独」分子何卓为将佢捐出嚟嘅物资攞去卖，系食「人血馒头」，仲将对方真实姓名、电话地址甚至身份证号码放上网，佢嘅「支持者」更话要何卓为做「空中飞人」。搞到另一个一直为黑衣魔提供物资嘅人走去同佢骂战，话佢屈人，要求同佢「对数」。结果，潘书韵就话自己俾人恐吓，话有人要搵「勇武手足」对付佢同刘家衡，搞到七国咁乱。

　　话说喺中文大学中文系毕业后，与另一「独」人、中大学生会前干事黄于乔成立咗间补习社嘅潘书韵近日喺fb发帖，话自己喺修例风波期间派物资畀啲学生同手足，后来因为有「蓝丝」上门骚扰，所以将「总值至少4、5万」嘅「极大量文具（gear）」委托「朋友」、自称「前线勇武」嘅何卓为（Lukas Ho）帮佢免费派畀学生，「谁知后来得知佢疑似将我嘅『文具』混合佢嘅转卖促销，更向我介绍过去嘅学生销售我捐出嘅『文具』。」

　　潘粉急护主 谋掟对方落街

　　佢话何卓为咁做「已经唔系呃我钱咁简单，你系呃前线出去打仗嘅小朋友......最后嘅请求就系要佢交还返我哋送过去差唔多数量嘅gear，同埋收咗啲学生嘅钱，麻烦退还畀学生......唔知佢用呢样嘢赚咗几多钱，我只系希望啲嘢可以去返有需要嘅人手上，而唔系俾（畀）啲人饮酒媾女洗（使）晒。」

　　唔少潘嘅支持者留言，话要「私了」何卓为。「Regin Liu」话：「明知前面勇武打起上嚟唔系人咁品，佢仲搞呢啲嘢坅Y咪想俾人打，你唔好俾（畀）我见到你见一镬打一镬！」「Kam Wai Fok」更道：「呃呃埋埋d（啲）钱等佢用嚟做身后事，见×到佢要佢做空中飞人！」

　　不过，有人就觉得潘书韵咁样「出卖自己人」唔多妥。「Martin Chan」话：「四五万（货）？会唔会已经派晒啊！四五万货，认真，大爱d（啲）派出去，一次游行都派晒喎。」「白伟洛」亦道：「呢个巴打有派装俾（畀）我朋友，佢做过咩唔方便讲，但前线手足一定知佢做过咩，无需要贪你d（啲）装仲要俾你咁（人格）谋杀......」

　　对家同道帮腔 批潘网络公审

　　「Rebecca Ho」就踢爆：「成件事系：五飞成本价卖猪咀（嘴），你比（畀）一批佢免费送，你果（嗰）批送晒（晒），但仲有人需要，佢先话自己果（嗰）批要钱炸（咋）wo（喎）。」

　　宣称唔系何卓为同夥，但就有向黑衣魔提供物资甚至帮人走佬去台湾嘅张家俊就特别劳气，连发多帖狠批潘书韵：「人哋原价卖嘅系自己入多咗嘅货套现俾（畀）恒（恒）常开支，律师都要交租啦，个仓李+×送嘅咩！」更自爆：「我送走啲细路去某国已经冇cashflow啦，原价入原价走都要俾佢公审！」

　　张家俊喺另一帖就话：「有冇数可以对到点样卖到四万几五万......佢（何卓为）私底下俾（畀）钱入嘅先有拎出去卖过，仲要有晒单自己几钱买咗几多只。几钱买，就几钱卖，卖果（嗰）啲仲要上佢仓度买一送N咁队啲多咗嘅物资俾（畀）细路。你响fb开火，我都想响fb睇睇inventory出货条数，我哋都唔想老屈你哋明明俾（畀）咗廿几三十万货又讲到净系收咗两万蚊货咁。」

　　「Michael Or」亦话：「各执一词拗紧，然后姓潘嘅自己都冇确凿证据就开人哋样、名、电话、地址，用自己班狗公恩客散播出去，差在未报警。同笃灰有咩分别？自己俾人搞唔敢派装就推个波俾（畀）人，然后又要唔信人。咁××街贱格就唔好抢道德高地啦，除非唔系有心，不过咁×蠢就真系唔好落手落脚支持抗争，害死唔少人。」

　　潘书韵其后就话爆咗呢单嘢之后，「不断受到各种恐吓、威胁，包括威胁找所谓痴（黐）线勇武手足对付我和刘家衡，他叫我的朋友要『?住我』不再说这件事，否则他也控制不了那些痴（黐）线勇武手足......为了灭我声，身边的人全遭受攻击，包括所有相熟的女性朋友，乱指控她们做鸡、『发国难财』，想我为了保护他们不再追究事件。」

　　但之后，唔知发生咩事，潘书韵就话系对方不愿公证对数，「又作（做）出公开学生手足资料的行为来威胁」，「为保障学生安全」，佢决定不循此途径追究，但会资助受骗的苦主追讨的律师费，又要对方全数归还以前用不法手段骗取的金钱等等。

　　呢单嘢，睇怕都仲有好多花生食。

　　【华发网根据文汇报采编】