院内播谣显毒口 仇警医护冇「仁心」

Mary

　　

　　医者除了要「妙手」，更要「仁心」。只有「视病犹亲」，先至唔会愧对病人把性命托付嘅重任。fb「Medics HK 香港医护」群组就喺前日流出咗几张威尔斯医院同律敦治医院嘅内部照片，发现原来真系有咁多医护喺公立医院内宣扬「仇警」。唔少网民批评有关人等利用公立医院作个人政治诉求，有违职业操守，医管局应该予以严厉纪律处分。

　　失实仇恨言论 违操守害病人

　　喺威尔斯亲王医院主大楼1楼嘅通道，两旁「暴大」医科生嘅locker上就贴满唔少「仇警」标语。其中367号locker上就贴咗张唔押韵嘅打油诗，上面有红笔写住「谋杀！！」黑笔则写住「香港警察唔系人　市袋橡胶直射人　冲入地铁放催泪　毒烟笼罩每一区」嘅标语，再上面又贴咗张写着「何君尧可耻」等等。呢种将负面情绪带入医院嘅行径显然有违医护专业，自然俾唔少网友留言闹爆。

　　的确识攞6个5**都唔代表就做到个好医生，「Joyce Ma」就觉得医学院更应注重培训医科生的专业医德：「Just reveals that medical students don't know what's professional ethics，强烈要求要考核学生个人道德水平，黑心肠怎医人，未曾毕业，已经先致力散播仇恨言论，知否会很大机会吓死病人的。」