【网议政事】鸽党区员卖贵罩 街坊斥「发国难财」

Mary

　　

　　疫情当前，高价口罩令基层嗌救命，但就有唔少人乘机发「瘟疫财」。元朗区民选议员、白鸽党区议员黎寳华（程太）日前喺facebook售卖团购口罩，本以为系施惠于民，但佢以40元五个高价售卖，仲要一人限购一包，得返100人可以买到。好多街坊闹佢炒价、发国难财，揶揄佢是否喺黑心药房订货，而当初有份投佢一票嘅选民就食紧後悔药，强调下次弃票都唔投畀佢。同时，身为民主党葵青区议员嘅尹兆坚，亦被质疑高价卖「国产搓手液」俾街坊「呃钱」。

　　黎寳华情人节早前喺facebook发帖送「惊喜」，话「现因购买海外口罩，都会遇到好多困难」，为了确保尽快到货，加上团购数量不多，所以在采购时，使用特快速递，价钱上可能有点贵，又要求各位见谅。

　　网民揶揄「黑心药房订货」

　　唔怪得佢短短两行字集中解释价钱。仔细睇佢售卖价格详情发现，佢声称以「成本价」出售5个一包、每包40元嘅墨西哥产三层口罩，每人限购一包，仲只可以卖畀瑞爱区嘅100名街坊。

　　帖文一出，骂声一片，「Hoi Tung Yik」话：「咁贵！咁同出边（面）药房买有咩分别？」「Sammy Lee」揶揄佢：「你响黑心药房订货？」「Yan Lo」就直指「在旺角药房一样炒价」。「York Lei」说：「讲多句，人地（哋）卓悦打开门口做生意，5个KF94都系卖39蚊，你5个外科手术口罩卖40蚊，好唔好意思？？？」

　　「Macy Pmw」坦言「旧屋邨多老人，唔系人人负担得起，失踪咁耐就系搵d（啲）咁嘅口罩返嚟帮居民？劲！」「Pak Kin Chan」质疑：「民主党收甘（咁）多捐款，自己贴钱都唔过份（分） la（嘞） ma（嘛）。」「Yong Zhang」闹佢「发国难才（财） ，正××。」

　　选民：下届弃票都唔投你

　　好多疑似之前有份投票选佢做区议员嘅人都觉得冇眼睇，「Karson SD Yu」就话「终于浦头啦，选完唔见人。有得拣都唔投你，真系无下次。」有人就将佢跟同地区嘅其他泛暴派议员比较，「Louis Louis」话：「点解同为天瑞区，点解你同林进差咁远。人地（哋）冇办事处我都系（喺）天瑞见过佢，你就......」「Jim Cheng」亦指：「点解你隔离区瑞华冇政党嘅林进都搵到$1/1个，你成个政党系後面support都搞成咁......」

　　「Yanyan C Chow 」讲得最直接：「下届弃票都唔投你。」「Ella Wong」话：「隐世议员，你坚离地噃，瞓醒未呀，你对吾（唔）对得住你的选民呀！」希望啲选民记得佢哋喺你最需要嘅时候嘅表现，下次投票时醒醒定定呀。

　　尹兆坚日前亦学人「提供」抗疫物资，更煞有其事咁搞预售酒精搓手液，讲明要每人限购两只，好似饥饿营销。