【网议政事】爆响口帮12「手足」 鸽廷扮做嘢「害死人」

Mary

　

　　
　　广东省海警局日前喺内地管辖海域内果洲群岛拘捕12名香港年轻人，包括揽炒派组织「香港故事」成员李宇轩，证明咗揽炒派有啲人私底下一直计划紧要走佬，但似乎俾人拉咗都唔死心。民主党立法会议员林卓廷噚日喺facebook度发帖话：「有朋友正全力协助被大陆扣留的12位『手足』，详情无法透露」，令所有人都为之譁然。「热血公民」副主席郑锦满就闹佢爆响口，开post扮做嘢，「害×死『朋友』」。如果真系害死个「朋友」，到时揽炒派咪又可以大大声咁帮朋友「伸冤」罗，咁先有人关注?嘛。
　　
　　喺大家都关注12名香港年轻人被捕事件嘅发展状态时，林卓廷噚日就突然喺fb度发帖声称「有朋友正全力协助被大陆扣留的12位『手足』，详情无法透露，最重要是『手足』平安。」佢呢句欲盖弥彰嘅说话令郑锦满都特登开post闹佢，「话明唔讲得都要开post扮做嘢，害×死『朋友』！」，质疑林卓廷真系博关注搏到出晒面。
　　
　　网民：假意帮人 真心靠害
　　
　　事件令好多网民都唔妥林卓廷，认为佢假意帮人，真心靠害。「Kingyat Cheung」质疑身为揽炒派嘅林卓廷点解喺内地都有「朋友」，「哇你好威喔，大陆都有路，果然劲。」「Mag Wong」闹佢咁高调唔多妥︰「如果真系低调，真心想保『手足』就应该呢个post都唔好出。」「Fung Yip Ting」形容︰「同公开宣布（布）天地会分陀地址同一慨（概）念。」「戚宁」叫他唔好吹水唔抹嘴︰「不要再吹水了，这12个人已经搞得这麽轰动了，竟然还讲找到人『协助』，幼稚！」「Thomas Lo」叫佢够姜返内地讲数：「系罗，够姜咪拖班废柴一齐上大陆『和理talk』咯！」「Gary Tse」揶揄︰「光环不可不攞」。
　　
　　由于林卓廷之前有众筹掠水嘅「前科」，所以另外一个名为「向香港警察致敬」嘅fb专页就质疑︰「下一步，系唔系又众筹先生啊。」「June Cheung」亦话︰「最紧要众筹，大家捐多的钱哈！『林已完』袋左（咗）钱落袋，佢既（嘅）手手脚脚肯定安全。」
　　
　　【华发网根据文汇报采编】