梁颂恒五星级酒店鬼祟开房

Mary

　　

　　
　　去星级酒店鬼祟「开房」，变成「港独」分子新常态！无几耐之前，前香港众志秘书长黄之锋先至被人捉到正；呢一期，就轮到上月底「出册」嘅前香港民族阵綫发言人梁颂恒。
　　
　　有人向郑晴报料，话前晚见到面临破产嘅梁颂恒，居然现身九龙站五星级W酒店。
　　
　　当时，一个神秘西装男企喺酒店入口恭恭敬敬等候，等咗一阵，身穿白色短袖Tee和深色短裤嘅梁颂恒同埋另一个男子嚟到，三个人会合之後四围张望，似乎好惊被人见到咁。之後，手持房卡嘅西装男带领梁颂恒入咗升降机上楼。报料人续说，当晚梁颂恒一夥有成20几人聚会，当中包括涉触犯香港国安法被捕嘅前学民思潮成员李宗泽；报料人仲听到呢班人话「有嘢倾」。
　　
　　W酒店一晚五千蚊
　　
　　梁颂恒一直拖欠立法会93万，立法会行管会已向高等法院申请，要求法庭向佢颁布破产令，聆讯在12月2日开始。啱啱出狱、无嘢做兼面临破产嘅梁颂恒，居然可以去城中数一数二嘅高档酒店风流快活，仲有「手下」招呼带路，真系要套用张竹君医生嘅名句：「生活多姿多彩」。
　　
　　郑晴上网查一查，W酒店的海景非凡套房，租一晚要成五千几蚊，梁颂恒点解玩得起？实在令人怀疑。
　　
　　讲开又讲，梁颂恒近日在facebook发帖，口口声声话关注12逃犯，仲怂慂人撑泰国示威，但原来佢挂住叹世界，佢班「手足」睇清未？