黄女利用中枪男友 假「流亡」真移民

Mary

　　「黄圈」不嬲都系「兄弟爬山，互相利用」?啦!「黄媒」《苹果日报》噚日报道咗一个15岁嘅少女明明冇被控都选择「流亡」，化名为「Aurora」嘅佢原来仲系被控旧年10月喺荃湾暴动、曾中弹嘅曾志健嘅女朋友。唔少「黄丝」都话，个女仔又冇畀人告，质疑「流咩亡」，话佢系「借条仔过桥移民」就真。

　　Aurora喺报道中话，自己如果继续留喺香港只会「越嚟越危险」，每日只可以等死或者等警方去「清算」佢喎。佢又怀疑自己一直被不明人士跟踪，因此即使自己无畀人告，但都决意去英国寻求「政治庇护」。Aurora日前就只身去到英国，据知佢已得到当局确认资格，将会为佢提供合适嘅安身之所。而一个成功嘅「黄丝」故事，当然要煽下情。Aurora又透露自己喺前线抗争中认识曾志健并成为情侣，但对於男朋友嘅暴动同袭警案会喺今个月再讯，仲有机会被判即时入狱，已经身在英国嘅Aurora就声称「伤心、不舍，连最後见面机会都冇」喎。