【网议政事】反对派咬「金主」？ 闹壹仔屈新来港者

Mary

　　

　　反对派鬼打鬼都唔系第一日嘅事，不过今次够胆同「金主」对抗就真系成地花生壳。话说由肥佬黎（黎智英）创办嘅《壹周刊》日前出咗篇报道，话新来港人士「呃综援」，仲要讲到似层层话佢哋「月入三皮」仲可以买楼又去欧游，俾班觉得自己好「大爱」嘅「左胶」闹传闻当新闻，抹黑班新来港人士。不过，最好笑嘅系班「左胶」不嬲都鄙视内地，仲有包庇仇视内地居民同新来港人士嘅「港独」分子，咁样帮新来港人士讲好说话，以为可以华丽转身？又中回力镖咋啩！

　　引述雇主就话人呃综援

　　壹仔篇报道个标题大大只字写住「新移民呃综援」，内容就引述某个食肆老板，话班综援打工仔大多数都系「新移民」，仲话班人为咗避过综援嘅资产审查，要求每日用现金出粮。篇报道仲写到班新来港人士好富贵，可以成日去旅行又买股票，月入3万蚊之余仲帮埋仔女上楼，而政府又唔会理。系真唔系呀？

　　写到班新来港人士咁富贵仲要拎综援，好明显都系想煽动仇恨啫。「Loretta Yeung」就闹：「垃圾政府就系养埋咁多无耻的垃圾！」「Mui Chiu」就话：「难为香港人捱死一世骡仔！都冇咁好福利！最好赶佢班垃圾返『大陆』！」

　　杜振豪黄浩铭睇唔过眼

　　结果呢次连班「左胶」都睇唔过眼。职工盟干事杜振豪就喺fb度闹呢篇所谓「报道」（见图），只系听个老板嘅传闻，咁都当系新闻出街，「既然班老细（板）自己都知现金出粮唔供强积金犯法，就好心佢哋咁委屈嘅就拒绝罗，扮晒自己系受害者博同情！」

　　佢更质疑个老板嘅讲法，话炒散根本无可能搵到咁多，「退一万步，呃综援+人工点可能有三万？畀尽你综援金有三五千，基层饮食业员工有几多人可以搵到两万五一个月？」

　　社民连副主席村短（黄浩铭）都帮班新来港人士讲嘢，话壹仔如果无真凭实据就真系唔好以讹传讹，人云亦云。佢又列咗一堆证据，话居港少於7年嘅综援受助人其实逐年减少，直至去年底只系占整体不足5%。

　　佢又串班仇外者与其净系听传闻就喺度怨天尤人，不如就真系向申诉专员公署投诉，或者搵议员发声，最後仲标签（hashtag）「我能理解因为窘迫的生活景况而讨厌外来者的感受，但我们不能凭印象或感觉去贬损他人甚至是一个群体。」

　　唔少网民亦都唔满意壹仔咁样做。「蔡玉萍」就批评壹仔同同系《苹果日报》做法唔道德：「今日《苹果》两篇文都很过份（分），极尽煽动仇恨『大陆』移民/非本地出生华人的情绪。」「Calvin Tsang」直接闹壹仔「可耻」：「煽动族群仇恨的人很可耻，一个半个特别个案就挑起啲族群仇恨很离谱，啲人羡慕就自己去申请试吓，信都低能嘅！」

　　虽然呢次班「左胶」终於肯讲返句公道说话，但明明之前班反对派又好撑仇视内地人嘅「港独」分子?，做咩呢次又咁「大爱」帮班新来港人士呀？吖，唔记得咗李卓人都系「左胶」噃，喺呢件事上点都应该出句声好噃，仲记唔记得佢细佬蒙兆达写过文话「议席可以失去，但信念却绝对不能」喎，唔系因为选举期间怕咗肥佬黎吖嘛？

　　【华发网根据文汇报采编】