【网议政事】狗冲「大台」踩陷阱 卢斯达「献头」被耻笑

Mary

　　

　　到底人为咗博出位可以去到几尽？讲紧嘅系「本土派」作家卢斯达日前为咗刷存在感就走过界上埋反对派网台D100，谂住以为畀人访问下就响朵啦，点知到最後又系俾班反对派玩狗咁玩，真系偷鸡唔到蚀渣米。结果一众网友都闹爆卢斯达口口声声同反对派割席，但又死狗咁款为曝光去黐班反对派，唔少得嘅当然系疯狂耻笑佢做炮灰啦。你估班反对派真心想拉拢「本土派」咩，其实咪又系想食埋「本土派」，得罪讲句：到底系天真定系傻呀？

　　称上D100「和解」 大口玲唔受落

　　话说卢斯达前几日就上咗D100主持人李慧玲同民协何启明嘅节目，仲挂住自称嘅「本土派代表」光环谂住同反对派和解，又话系借大台去帮「本土派」发声咁喎。不过你有你解释，似乎人哋就唔系咁受落啦，李慧玲就皱晒眉，何启明就反晒白眼咁，系咪真系想同你破冰就真系见仁见智啦！

　　「狗主」黄毓民就喺自己个网台节目度闹爆卢斯达：「你哋边×个可以代表『本土派』？」佢又话卢斯达明知D100专打击「本土派」仲要去送死，摆到明系「中晒计」，做到李慧玲好把炮请到「本土派」咁款，「呢个咁嘅台，×你老母专打击『本土派』，支持『泛民』，你借佢个台解释，又唔敢××佢！」

　　「狗主」闹中计 「神驹」寸作死

　　「无敌神驹」仇思达见到卢斯达亦附和出post闹：「D100邪恶程度等同於花生台，所有『本土派』支持者必须予以最严厉的抵制，不应接受李慧玲（又称八婆玲、大口玲）之引诱。D100主持诸如吴志森、黎则奋、桑普、杰斯、梁国雄之流，长期在该平台抹黑『本土派』，丧尽天良，人神共愤。」

　　「香港文汇报忠实读者」「JoJo Wu」就制图抽卢斯达水，话D100摆到明就系一个大伏，卢斯达仲要狗冲去踩陷阱，连神驹都留言耻笑：「以为有得曝光好爽，边有咁大只蛤乸随街跳！」

　　反对派口口声声话要同「本土派」合作，但其实根本只系想食埋「本土派」啲票；另一面「本土派」又话要同反对派割席，结果??家所谓嘅「本土派代表」又冲去同人和解破冰咁，一个二个都华丽转身咁款，真系难分真与假喎！

　　【华发网根据文汇报采编】