广东人所用的「埋」字有哪种意思？

Mary

　　

　　图：旧式的店舖多用「摺闸」；遇上结业，那不就是「摺埋」了吗？

　　「埋」有「葬」的意思。「葬」就是死了，生命有个了「结」，什麽也尘埃落「定」，亦即一「了」百「了」。那广东人所用的「埋」字也有以下的意思：

　　定、结、了

　　据此，广东人创造了不少相关的粤语方言用词：

　　「话唔埋／讲唔埋」，相当於说不定。

　　例1：失恋啫，唔使唔开心嘅，「话唔埋」听日你识番个靓女呢！

　　「三日唔埋两日」，指三日不定两日也不定，相当於「三天两头」，用以形容经常发生的事。

　　例2：呢对拖友（恋人），三日唔埋两日就嗌分手。

　　「三句唔埋两句」，相当於经常把某些话儿挂在嘴边，与「开口埋口」意近。

　　例3：你有冇文化?，三句唔埋两句就爆粗！

　　「埋数」，相当於结算。

　　例4：我公司逢廿八号埋数。

　　「埋单」，相当於结帐，也有最终负全责的意思。

　　例5：你喺外便做咗咁多唔负责任嘅嘢，最终可能要屋企人同你埋单！

　　「执埋」，相当於「执笠」，即结业。

　　「摺埋」，其实系由「执埋」通过以下的音变而来：

　　执（zap1）；变韵母zip1；变调摺（zip3）

　　由於「死亡」可看成「人生结业」，所以有人以「摺埋」寓意死亡。

　　例6：生意唔好，老板决定今个月底执埋／摺埋间酒楼。

　　「冻到面都红埋」，指因天气太冷，冻得脸部通红了。

　　例7：今日原来得一度，唔怪之得个个冻到面都红埋。

　　「吓到脚（仔）都软埋」，指因受惊过度以致双腿发软了，意味着行不动了。

　　例8：如果半夜三更响山头野岭度有人同我打招呼，我肯定吓到脚都软埋啫！

　　「做到／行到腰都直埋」，指因工作／行路太多，令到腰部极度疲倦。人累时或坐／站得太久，会站着伸伸腰，广东人叫「伸懒腰」；伸腰时，腰被拉直了，於是有「腰都直埋」的讲法。「梗」有「直」的意思，因而也可说成「腰都梗埋」。

　　例9：年尾公司好忙，全人类都做到腰都直埋。

　　「火都嚟埋」，指火也来了，比喻因被激怒或看到一些极度不满的事物以致怒火中烧。

　　例10：个仔话极都唔听，搞到个老窦火都嚟埋。

　　【来源：香港资深出版人 梁振辉】